Kabllot dhe aparaturat e rrezikshme te “Kongresi i Tiranës” kërcënojnë jetën e qytetarëve Banorët e lagjes pranë rrugës “Kongresi i Tiranës”, afër Prokurorisë së Tiranës, kanë ngritur një shqetësim serioz për rrezikun që u kanoset përditshmërisht
. Prej kohësh, muret e pallatit të tyre janë të mbushura me aparatura, kabllo dhe mjete të ndryshme, të cilat janë lënë pa standard sigurie. Sipas banorëve, situata është përtej alarmante: kabllot hyjnë brenda në banesa dhe gjatë erës apo shiut rrezikojnë rrëzimin e objekteve.
Fëmijët që luajnë para pallatit, të moshuarit dhe familjarët ndihen të pasigurt në çdo moment, ndërsa çdo stuhi apo incident mund të sjellë pasoja tragjike. Banorët theksojnë se, pavarësisht disa ankimeve të ngritura, asnjë institucion dhe as administratori i pallatit nuk ka marrë masa konkrete për të garantuar sigurinë.
Ky shqetësim vjen si një paralajmërim i qartë për autoritetet: çdo vonesë mund të sjellë incidente me pasoja të rënda për jetën dhe sigurinë e komunitetit./JOQ
