Një krim ambiental por edhe që mund të ketë pasoja më serioze për jetët e qytetarëve po ndodh në rrugën “Ajtoni” pranë shkollës Asim Vokshi në Tiranë.
Fast-Food-et që ndodhen aty pranë e derdhin vajin e produkteve të skuqura në koshat e mbeturinave buzë rrugës.
Por vaji shihet se ka rrjedhur dhe ka mbuluar një sipërfaqe të rrugës.
Qytetarët që kanë denoncuar skandalin thonë se të moshuar dhe fëmijë janë rrëzuar pasi kanë shkitur na vaji.
Ata i bëjnë thirrje autoriteteve të marrin masa, përpara se të shkaktohet ndonjë tragjedi. Vaji ka mbuluar edhe rrugën e makinave, çka mund të shkaktojë shkarjen e tyre.
“Bashkia Tiranë – Agjencia Mbrojtjes së Konsumatorit në rrugën Atjoni pranë shkollës së mesme Asim Vokshi po ndodh hata mjedisore në dëm të shëndetit publik. Subjekte restorante fast food-e hedhin vaj të skuqur kancerogjen në ato pak kazanë të dedikuar për komunitetin. Gjithashtu sapo rrëshkitën dy të moshuar dhe një nxënës. Merrni masa urgjente dhe ndëshkoni ndotësit e papërgjegjshëm”, thuhet në denoncim. /Voxnews
