Kryetari i opozitës, Sali Berisha, ka hedhur akuza të forta ndaj kryetarit të ri të Kuvendit, Niko Peleshi.
Në një deklaratë për mediat pasi shpalljes së tij si Kryetar i Parlamentit, ai u shpreh se Peleshi është përgjegjës për firmosjen e akteve të djegësave dhe për abuzime me pronat në Kolonjë gjatë kohës kur ka qenë ministër i Bujqësisë.
“Peleshi është një qenie amorfe. Në vend që të shkojë atje ku e ka vendin, merr kreun e parlamentit vetëm e vetëm se ka vjedhur së bashku me Edi Ramën”, tha Berisha.
Ai theksoi se opozita nuk ka nevojë për tolerancën e mazhorancës, duke shtuar se beteja e tyre do të vazhdojë:
“Ne i konsiderojmë të paligjshëm dhe beteja jonë nuk ndalet deri në ditën e fitores. Ata nuk përfaqësojnë vullnetin e shqiptarëve, por kartelët e drogës dhe organizatat kriminale.”
Berisha: Është njeriu që ka firmosur akte madhore për djegësat. Akte të cilat e bëjnë përgjegjës automatik për dëmet që u ka bërë shqiptarëve. Peleshi është i akuzuar për prona në Kolonjë dhe zona të tjera kur ka qenë ministër bujqësie.
Paleshi është një qenie amorfe. Në vend që të shkojë atje ku e ka vendin merr kreun e parlamentit vetëm e vetëm se ka vjedhur së bashku me Edi Ramën.
Nuk kemi nevojë për tolerancën e tyre, ne jemi në betejë. Ata nuk përfaqësojnë vullnetin e shqiptarëve, por përfaqësojnë kartelet e drogës dhe organizatat kriminale.
Pra ne e konsiderojmë të paligjshëm dhe beteja jonë nuk ndalet deri në ditën e fitores.
