Kryeministri i Mbretërisë së Bashkuar, Keir Starmer, ka shkarkuar Peter Mandelson nga pozicioni i tij si ambasador i Britanisë së Madhe në Shtetet e Bashkuara, për shkak të lidhjeve të Mandelson me të dënuarin për abuzim seksual, Jeffrey Epstein.
Lajmin e bëri të ditur ministri i Jashtëm Stephen Doughty gjatë një seance në Parlament të enjten, duke konfirmuar vendimin që synon të ruajë integritetin e përfaqësimit britanik në SHBA dhe distancimin nga skandalet që lidhen me Epstein.
Kryeministri britanik e kishte mbështetur Mandelsonin pas emërimit të tij si ambasador në SHBA, duke këmbëngulur se ai ishte verifikuar plotësisht.
Por ai u vu nën presion në rritje pas zbulimeve se Mandelson e kishte këshilluar Epsteinin të kërkonte lirim të parakohshëm ndërsa akuzohej për krime seksuale.
