Policia Kufitare ka vënë në pranga një 53-vjeçar nga Rahoveci, i kapur në flagrancë duke kaluar ilegalisht kufirin me një kamionçinë të mbushur me produkte ushqimore pa faturë.
Aksioni u zhvillua në zonën kufitare të Shishtavecit, ku në fshatin Pakisht, shërbimet e policisë ndaluan automjetin e drejtuar nga shtetasi S. V. Gjatë kontrollit u gjetën dhe u sekuestruan mallrat e dyshuara kontrabandë.
Në përfundim të hetimeve paraprake, 53-vjeçari u arrestua për veprat penale “kalimi i paligjshëm i kufirit” dhe “kontrabanda me mallra të tjera”. Dosja i është referuar Prokurorisë për veprime të mëtejshme.
