Një aksident automobilistik është regjistruar paraditen e kësaj të diele në rrugën nacionale Burrel–Klos.
Nga informacionet paraprake mësohet se një automjet ka përplasur një motor dhe për pasojë ka mbetur i plagosur rëndë drejtuesi i motomjetit.
Fillimisht, i plagosuri ka marrë ndihmën e parë në qendrën shëndetësore të Klosit dhe më pas është transportuar në spitalin e Burrelit, ku pas trajtimit mjekësor është dërguar me ambulancë drejt spitalit të Traumës në Tiranë për mjekim të specializuar.
Në vendin e ngjarjes ndodhen forcat e policisë dhe grupi hetimor. Banorët e zonës theksojnë se kjo rrugë është shpesh problematike, pasi aksidente të ngjashme kanë ndodhur edhe më parë në këtë segment.
