I dërguari amerikan në Ukrainë, Keith Kellogg, deklaroi të dielën se sulmi i fundit rus ndaj kryeqytetit ukrainas nuk lë asnjë shenjë për gatishmëri nga ana e Moskës për t’i dhënë fund luftës nëpërmjet diplomacisë.
“Rusia duket se po përshkallëzon konfliktin me sulmin më të madh të këtij lufte, duke goditur zyrat e Këshillit të Ministrave të Ukrainës në Kiev,” shkroi Kellogg në platformën X. “Ky nuk është një sinjal që tregon se Rusia dëshiron një zgjidhje diplomatike të luftës,” shtoi ai.
Sulmi është cilësuar si sulmi ajror më i rëndë i Rusisë që nga fillimi i agresionit në vitin 2022, duke ngritur shqetësime të reja për një përshkallëzim të mëtejshëm të konfliktit.
