Në prag të shpalljes së kabinetit të ri më 11 shtator, ish-drejtuesi i Lartë i Policisë së Shtetit, Shemsi Prençi, ka bërë një deklaratë të fortë lidhur me përbërjen e qeverisë së ardhshme.
I ftuar në emisionin Breaking në televizionin Top News, Prençi u shpreh se një nga emrat që pritet të jetë pjesë e kabinetit “Rama 4” është një person i afërt me ish-presidentin e Kosovës, Hashim Thaçi.
“Duhet me plotësuar disa dëshira të atij që është në burg në Hagë. Njerëzit e besuar të Hashim Thaçit do jenë pjesë e kabinetit ‘Rama 4’, pasi edhe ai do pjesën e vet në qeverinë shqiptare”, deklaroi Prençi.
Shpallja e ministrave të rinj është parashikuar të ndodhë më 11 shtator, një ditë pas seancës së parë të Parlamentit të ri.
