Deputeti i Partisë Socialiste, Erion Braçe, ka ngritur alarmin për një tjetër skemë mashtrimi financiar online që po prek qytetarë brenda dhe jashtë Shqipërisë, përmes platformave XUEX.
Braçe thekson se këto nuk janë platforma tregtare të ligjshme, por funksionojnë si skema piramidale. Ai shton se drejtuesit e XUEX kanë bllokuar çdo tërheqje fondesh për përdoruesit, duke i lënë qytetarët pa qasje në investimet e tyre dhe duke i vënë ata në një situatë të rrezikshme financiare.
Në një takim virtual, një person me pseudonimin “Leo Smith”, i njohur si “Profesori” apo “Roboti”, pranoi hapur se paratë e përdoruesve nuk mund të tërhiqen më nga llogaritë, duke konfirmuar mashtrimin.
Braçe paralajmëron se situata është e ngjashme me atë të mëparshme të TXEX, e cila gjithashtu ka bllokuar pagesat, veçanërisht për qytetarë në zona si Divjaka dhe Lezha, ku shumë individë kanë investuar shuma të konsiderueshme.
Reagimi i plotë i Braçes:
BRENDA GRUPIT NE TELEGRAM TE PIRAMIDES XUEX;
48 ORE DHE BOSET E PIRAMIDES KANE BLLOKUAR CDO TERHEQJE TE PARAVE NGA ANETARET!
LEO SMITH, domethënë PROFESORI, domethënë ROBOTI,
KA THIRRUR MBLEDHJE GRUPI DHE KA NJOFTUAR BLLOKIMIN E TERHEQJES SE PARAVE;
Pra daljen nga PIRANIDA duke kaluar PARATE nga LLOGARIA-MURI I ANETAREVE NE BINANCE E PASTAJ NE EXCHANGE NE KOSOVE PER TI MARRE CASH! Këtë gjë bëri dhe shpalli TXEX 10 DITE ME PARE;
Pas 10 ditësh askush në Divjakë e Lezhë nuk ka marrë dot paratë.
PRA KRIMI I MASHTRIMIT DHE GRABITJES PO KONSUMOHET I PLOTE!
Leo Smit e quan XUEX ende BURSE, por unë nuk di as në Evropë e as në Amerikë bursë që të bllokon paratë e tua;
Lexoini mesazhet e tij; CDO FJALI ESHTE PROVE E FUNKSIONIMIT SI PIRAMIDE, JO SI BURSE!
E reja tjetër sot-zbuluar nga mesazhet në shqip të Leo Smith, ka të bëj me faktin se paske edhe SHQIPTARE nga jashtë Shqipërisë që paskan futur para në PIRAMIDE!!!!
Kulmi!
Skam fjalë!
Pas gjithë asaj që kaloi thuajse cdo familje në 1996-1997, besoja se nuk do kishte më shqiptarë të binin në gropën e piramidave!
Jooo, NE NUK ZEME MEND!
