Policia e Kolonjës ka zbardhur ngjarjen e ndodhur në fshatin Mollas, ku më 7 korrik u gjet një trup i pajetë, thuajse i dekompozuar. Trupi u zbulua nga një banor i zonës, i cili njoftoi menjëherë policinë.
Pas kryerjes së analizave të ADN-së dhe ekspertizës antropologjike, ditën e sotme u bë identifikimi i viktimës. Bëhet fjalë për një 75-vjeçar nga qyteti i Korçës, i cili rezultonte i zhdukur prej qershorit, kur bashkëshortja e tij kishte bërë denoncimin në komisariat.
Sipas policisë, i moshuari vuante nga probleme shëndetësore, konkretisht humbje të kujtesës (sklerozë), dhe dyshohet se ka ndërruar jetë për shkaqe natyrale
