Një 61-vjeçar, punonjës i Bashkisë Fushë Arrëz, është arrestuar nga policia pas një kallëzimi për përndjekje dhe shpërdorim detyre.
Policia bën me dije se shtetasi P. L., 61 vjeç, akuzohet se ka fyer dhe përndjekur në mënyrë të përsëritur kolegun e tij, A. D., 38 vjeç, si dhe familjarët e këtij të fundit, duke e ngacmuar edhe në rrjete sociale.
Gjithashtu, ai dyshohet për shpërdorim detyre dhe falsifikim dokumentesh zyrtare, ndërsa ndaj tij kanë nisur hetimet për zbardhjen e plotë të rastit.
