Dy vëllezër, Romeo Laze, 45 vjeç, dhe Fabion Laze, 39 vjeç, janë arrestuar në Sarandë, të dyshuar për plagosjen e një nëne dhe birit pasditen e së dielës në lagjen nr. 4 të qytetit.
Ngjarja ndodhi rreth orës 17:45, pas një konflikti për parkimin. Në këtë përleshje u përfshinë të paktën 6 persona, ndërsa viktimat, N. A. dhe E. A., u goditën me grushte, shkopinj dhe sende të forta, duke marrë plagë të shumta në kokë dhe trup.
Të arrestuarit kanë precedentë penalë të shumtë. Në maj 2011 u akuzuan për plagosje me sende të forta, ndërsa Fabion Laze është arrestuar më parë për prodhim dhe shitje të lëndëve narkotike. Romeo Laze ka pasur arrestime për dhunë në familje dhe trafik droge, ndërsa në shkurt 2025 Prokuroria e Sarandës sekuestroi pasuri dhe biznese të tij.
