Presidenti amerikan Donald Trump ka reaguar pas takimit me presidentin rus Vladimir Putin në Alaskë, duke e cilësuar si një ditë “shumë të suksesshme”. Ai ka deklaruar se ekziston mundësia për një marrëveshje paqeje mes Rusisë dhe Ukrainës, duke theksuar se zgjidhja duhet të jetë përfundimtare dhe jo një armëpushim i përkohshëm.
Trump bëri të ditur se presidenti ukrainas Volodymyr Zelensky do të vizitojë Shtëpinë e Bardhë të hënën, ndërsa pas kësaj mund të organizohet një takim mes tij dhe Putinit. “Kjo mund të shpëtojë miliona jetë njerëzish”, tha ai.
Në një postim në Instagram, Trump shtoi se përveç takimit me Putinin, ka pasur edhe një bisedë telefonike me Zelenskyn dhe udhëheqës të tjerë evropianë, përfshirë Sekretarin e Përgjithshëm të NATO-s. Sipas tij, të gjitha palët ranë dakord se mënyra më e mirë për t’i dhënë fund luftës është një marrëveshje paqeje e plotë.
“U vendos nga të gjithë se mënyra më e mirë për të përfunduar luftën e tmerrshme midis Rusisë dhe Ukrainës është të shkohet direkt drejt një marrëveshje paqeje, dhe jo vetëm një marrëveshje për armëpushim, e cila shpeshherë nuk mbahet,” shkroi presidenti amerikan.
View this post on Instagram
Takimi Putin-Trump, udhëheqësi rus: I dobishëm dhe afron vendimet e nevojshme
Takimi Putin-Trump, udhëheqësi rus: I dobishëm dhe afron vendimet e nevojshme
Takimi Putin-Trump, udhëheqësi rus: I dobishëm dhe afron vendimet e nevojshme
