Kapiteni i Tiranës, Mahamadou Dembele, ka rënë në shënjestrën e Qarabag.
Sipas mediave azere, klubi po vlerëson seriozisht mundësinë për të transferuar mbrojtësin francez gjatë kësaj merkatoje verore.
Dembele, i ardhur te bardheblutë si një përforcim kyç për prapavijën, është shndërruar shpejt në lider të padiskutueshëm të skuadrës, duke fituar shiritin e kapitenit falë formës së qëndrueshme, leximit të saktë të lojës dhe aftësisë për të organizuar mbrojtjen.
Qarabag, i njohur për ambiciet e mëdha në arenën ndërkombëtare dhe dominimin në kampionatin vendas, e sheh Dembelenë si një shtyllë të mundshme për forcimin e repartit defensiv.
Edhe pse ende nuk ka një koment zyrtar nga asnjëra palë, burime pranë merkatos sugjerojnë se një ofertë konkrete mund të vijë brenda javëve të ardhshme.
