Presidenti rus Vladimir Putin shprehu optimizëm sot për takimin me Presidentin amerikan Donald Trump, të planifikuar për të premten në Alaska, duke thënë se SHBA po ndërmerr “përpjekje të sinqerta dhe energjike” për t’i dhënë fund konfliktit në Ukrainë. Kjo u deklarua gjatë një takimi të mbajtur me pjesëtarë të lartë të ekipit të tij negociator, përfshirë Ministrin e Jashtëm Sergej Lavrov, përpara nisjes për në samit.
Takimi mes dy liderëve do të nisë me një bisedë kokë më kokë përmes përkthyesve, e ndjekur nga një drekë pune dhe një konferencë e përbashkët për shtyp. Ukraina mbetet fokusi kryesor i negociatave, por do të adresohen edhe çështje të gjerë të sigurisë dhe bashkëpunimit ekonomik.
Pavarësisht optimizmit të shprehur nga Putin, zyrtarë ukrainas dhe demokratë evropianë mbeten të skeptikë, duke theksuar që marrëveshjet pa Kyiv-in dhe pa një armëpushim të verifikueshëm nuk do të sjellin paqe të qëndrueshme.
