Shqipëria vazhdon të përballet me një situatë të jashtëzakonshme nga zjarret, me 37 vatra aktive në të gjithë vendin. Situata më problematike raportohet në Bashkinë Delvinë dhe rrethinat e saj, ku zjarri ka depërtuar deri në lagjen Kasapaj dhe disa banesa.
Në Bashkinë Finiq, zjarret po përhapen në zonat Dhivër, Syrin e Kaltër, Pecë, Sirakat dhe Kardhikaq, duke rrezikuar pyjet, ullishte dhe tokat bujqësore. Vatra e zjarrit ka arritur gjithashtu pllajën e faqes së malit të Gjerë dhe Sopotit.
Zona tjetër e rënduar është Gramshi, ku zjarri ka përfshirë fshatin Kullollas dhe zonat përreth Harunas. Është dhënë njoftim për evakuim në disa fshatra pasi intensiteti i flakëve ka rritur rrezikun për banesat.
Zjarre aktive raportohen edhe në:
Poliçan: fshatrat Rehovë, Vokopolë, Mbrakull dhe Velçan, me përhapje në pyje, ullishte dhe banesa të djegura.
Skrapar: Orizaj dhe fshatrat e tjerë, me rreth 100 ha të djegura.
Gjirokastër: Dhuvjan, Frashtan, Lazarat dhe Dropull, ku zjarret janë në monitorim.
Elbasan: Kullollas, Mukaj, Sojnik dhe Pajovë, me përhapje të shkurreve dhe ferra.
Shkodër: Xeth, Pukë, Shegan dhe Postribë, situata nën kontroll.
Kukës: Maja e Zezë, zona e izoluar.
Korçë: Gërmenj, me rrezik për shkak të pranisë së municioneve.
Lezhë: Blinisht dhe Kotërr, dy vatra të vogla aktive.
Zjarret kanë shkaktuar viktima, të lënduar, shtëpi të djegura, bagëti të ngordhura dhe shkatërrime në pyje, ullishte dhe tokë bujqësore, duke vënë në rrezik jo vetëm infrastrukturën por edhe jetën e banorëve. Situata mbetet kritike në shumë zona, ndërsa vatrat vazhdojnë të përhapen për shkak të temperaturave të larta dhe erës.
