Pas fitores 4-0 të Bayern Munich ndaj Tottenhhm në një ndeshje miqësore në “Allianz Arena”, qendërmbrojtësi Dajot Upamekano dha sinjale sigurie se ka shumë gjasa të nënshkruajë një rinovim kontrate me klubin gjerman.
Në fazat përmbyllëse të sezonit të kaluar dhe gjatë verës, bisedimet për një marrëveshje të re për francezin kishin ngecur për shkak të mosmarrëveshjeve për pagat mes klubit dhe përfaqësuesve të lojtarit. Sipas asaj që tha vetë Upamekano, duket se shumica e këtyre detajeve janë zgjidhur.
Për të përforcuar këtë, qendërmbrojtësi tha se ishte i lumtur te Bayerni dhe se ka pasur tashmë bisedime për një kontratë të re, duke shtuar se do të shohë se çfarë do të ndodhë, çka sugjeron se një marrëveshje mund të jetë afër.
