Gjatë orëve të fundit situata me zjarret në Tropojë është përkeqësuar dukshëm. Rreth 30 vatra zjarri janë aktive në ekonominë pyjore të Kurore Dardhës, duke përfshirë afro 50 hektarë pyje me pisha dhe bredha.
Si pasojë e zjarreve është bllokuar rruga kombëtare Fushë-Arrëz – Bajram Curri. Gjithashtu rrezikohen linja e tensionit të lartë dhe rruga Tropojë – Qaf Mali – Fushë-Arrëz.
Banorët e fshatrave Xath dhe Flet janë evakuuar për shkak të rrezikut, ndërsa flakët kërcënojnë linjat e tensionit që lidhin hidrocentralin e Fierzës me nënstacionin e Fushë-Arrëzit.
