Një zjarri i madh në fshatin Lekël të Tepelenës ka shkaktuar dëme serioze materiale, duke djegur disa hektarë me pyje dhe kultura bujqësore.
Nga flakët janë dëmtuar gjithashtu disa banesa, tre stane dhe tre krerë gjedhë. Një prej objekteve më të prekura është kisha ortodokse “Shën Ilia”, monument kulture i kategorisë II, ndërtuar në fillim të shekullit të 19-të. Kisha është shkatërruar plotësisht nga zjarri.
Situatën e ka komplikuar edhe shpërthimi i dy bombave, mbetje nga Lufta e Dytë Botërore, të cilat u aktivizuan për shkak të temperaturave të larta dhe zjarrit në zonë.
