Presidenti amerikan, Donald Trump, dhe homologu rus, Vladimir Putin, do të zhvillojnë më 15 gusht bisedime në Anchorage, qyteti më i madh i Alaskës.
Sekretarja e Shtëpisë së Bardhë, Karoline Leavitt, tha se Trump është i vendosur të përpiqet të ndalojë luftën dhe humbjet e jetëve. Sipas saj, presidenti amerikan e ka bërë të qartë se preferenca e tij është gjithmonë për paqe dhe partneritet, kur këto janë të mundura.
Trump ka deklaruar se në takim do të synojë të bindë Putinin për t’i dhënë fund konfliktit në Ukrainë dhe për të rikthyer një pjesë të territorit të saj, duke lënë të hapur mundësinë e “shkëmbimeve territoresh”. Ai e përshkroi këtë raund bisedimesh si fillestar, me qëllim gjetjen e një rruge drejt armëpushimit.
