Shkëndija e Tetovës ka përfunduar aventurën në Ligën e Kampioneve, por do të vazhdojë rrugëtimin europian në fazën play-off të Ligës së Europës.
Skuadra e drejtuar nga Jeton Beqiri ka mësuar mbrëmjen e sotme rivalin me të cilin do të luftojë për një vend në fazën e grupeve të turneut të dytë më të rëndësishëm në kontinent.
Shorti i UEFA-s e ka vënë përballë humbëses së çiftit Ferencvarosh–Ludogorets në turin e tretë të Champions League.
Pas barazimit 0-0 në ndeshjen e parë në Bullgari, Ferencvarosh triumfoi sot 3-0 në Hungari, duke eliminuar bullgarët.
Kështu, Shkëndija do të përballet me Ludogorets në dy takime vendimtare për kualifikimin në grupet e Ligës së Europës.
