Elon Musk ka akuzuar gjigantin teknologjik Apple se po favorizon padrejtësisht OpenAI në renditjen e aplikacioneve të App Store, duke lënë jashtë konkurrentë si startup-i i tij xAI.
Shefi i Tesla dhe SpaceX paralajmëroi se do të ndërmarrë veprime ligjore, duke e cilësuar situatën si një shkelje të qartë të ligjit antitrust.
Në një seri postimesh në rrjetin e tij social X, Musk deklaroi se Apple po lejon vetëm ChatGPT të kryesojë listën e aplikacioneve mobile, duke e bërë të pamundur për kompani të tjera të inteligjencës artificiale të arrijnë vendin e parë. “xAI do të ndërmarrë menjëherë veprime ligjore,” theksoi ai.
Aktualisht, seksioni “Top Free App” në App Store kryesohet nga ChatGPT, ndërsa modeli Grok i xAI renditet i 6-ti dhe Gemini i Google në vendin e 57-të. Musk gjithashtu kritikoi Apple që nuk e ka përfshirë aplikacionin X ose Grok në seksionin “Must Have”, pavarësisht se X është aplikacioni më i përdorur i lajmeve në botë.
Musk nuk ka ofruar prova për të mbështetur pretendimet e tij, ndërsa CEO i OpenAI, Sam Altman, iu kundërpërgjigj duke thënë: “Kjo është një pretendim i jashtëzakonshëm, duke marrë parasysh akuzat që kam dëgjuar për mënyrën se si Elon manipulon X për të përfituar vetë dhe kompanitë e tij, duke dëmtuar konkurrentët dhe njerëzit që nuk i pëlqen.”
