Ministrat e jashtëm të 24 vendeve, mes tyre Britania, Japonia, Kanadaja dhe Australia, kanë lëshuar një deklaratë të përbashkët ku dënojnë krizën humanitare në Gaza dhe paralajmërojnë se situata po shndërrohet në një “zi buke” para syve të botës.
“Nevojiten veprime urgjente tani për të ndaluar dhe përmbysur zinë e bukës,” thuhet në deklaratë, e publikuar nga qeveria britanike.
Sipas ministrave, vuajtjet në Gaza kanë arritur “nivele të paimagjinueshme” dhe Izraeli duhet të lejojë hyrjen e ndihmave pa pengesa, si dhe të zhbllokojë agjencitë humanitare që të veprojnë në terren.
