Një zjarr ka rënë sot në qytetin e Poliçanit, për të dytën herë brenda pak ditësh në të njëjtën zonë, në kodrat përreth Uzinës së Armëve.
Zjarri është përhapur me shpejtësi, i favorizuar nga era dhe temperaturat e larta. Flakët kanë përfshirë pjesën perëndimore të kodrës përreth Uzinës së Armëve, në afërsi të zonës B.
Që prej disa muajsh, Shqipëria po përballet me një valë të gjatë zjarresh të përhapura, të favorizuara nga temperaturat e larta dhe mungesa e mjeteve të mjaftueshme zjarrfikëse, që po vështirësojnë kontrollin dhe shuarjen e tyre në zona të ndryshme të vendit.
