Një aksident është shënuar në aksin Sarandë – Gjirokastër pasditen e sotme.
Një automjet tip “Opel” me targë AA459GJ, ka humbur kontrollin dhe ka përfunduar në kolektorin e ujit, në afërsi të fshatit Bistricë.
Kalimtarë të rastit, i kanë ardhur në ndihmë drejtuesit të mjetit duke e shpëtuar.
Shoferi Vasillaq Gjini është dërguar në Spitalin e Sarandës, dhe fatmirësisht është jashtë rrezikut për jetën. Nga analizat e kryera, rezultoi se 80 vjeçari Vasillaq Gjini drejtonte mjetin nën ndikimin e alkoolit.
