Një 38-vjeçar është vënë në pranga nga Policia e Tiranës, pasi dyshohet se ka vjedhur një automjet gjatë natës në bulevardin “Bajram Curri”, me qëllim për ta çmontuar dhe shitur për pjesë këmbimi.
I dyshuari, me inicialet E. H., banues në Tiranë është me precedent të mëparshëm penal për të njëjtën vepër penale.
Automjeti i vjedhur u gjet pranë banesës së tij dhe u sekuestrua si provë materiale.
Materialet për këtë rast i janë referuar Prokurorisë për veprime të mëtejshme ligjore.
