Manuel Neuer ka edhe një vit kontratë te Bayern. Ai ka rënë dakord që këtë sezon të “kursehet” në disa ndeshje, që Jonas Urbig të fitojë eksperiencë dhe të tregojë nëse mund të bëhet titullar.
Gjithsesi, TZ hedh një hipotezë. A duhet Bayern të mbajë shpresat te një talent, i cili nuk mund të parashikohet se sa përgjegjësi mund të përballojë, apo të hidhet në sulm te një portier i afirmuar?
Opsionet kryesore janë tre: Gianluigi Donnarumma, Mike Maignan dhe Thibaut Courtois. Tre portierë të klasit botëror, kontratat e të cilëve skadojnë pas një viti.
Shanset më të mëdha janë tek italiani. Donnarumma është përmendur edhe më parë në Mynih. Maignan është opsioni i dytë, kurse Courtois pritet të rinovojë me Real Madrid.
