Luka Modric është prezantuar zyrtarisht pasditen e sotme te Milan, ku ka folur gjerë e gjatë si dhe ka zbuluar objektivin minimal të kuqezinjve për sezonin e ri.
Kroati zbuloi edhe bisedën që bëri me Carlo Ancelotti-n, para se të transferohej te Milan, ndërsa u shpreh me fjalët më të mira për trajnerin e tij të ri Max Allegri.
“Në çdo moshë, gjithmonë ka kohë për t’u emocionuar. U rrita me futbollin italian dhe Milani ka qenë gjithmonë klubi im i preferuar. Gjithmonë kam pasur një dashuri të veçantë për ngjyrat kuq e zi.
Duhet të përshtatem me ligën sa më shpejt të jetë e mundur. Kam luajtur shumë herë kundër ekipeve italiane dhe ato janë shumë të organizuara dhe u pëlqen të konkurrojnë.
Më pëlqen të fitoj. Të gjithë e dimë që Milani është një nga ekipet më të mira në botë. Nuk mund të kënaqemi me një sezon mediokër. Champions League duhet të jetë objektivi minimal për Milanin.
Fola me Ancelottin… Ai më tregoi të gjitha gjërat më të mira për Milanin. Ai ishte këtu si lojtar dhe trajner, dhe më tregoi gjithçka për klubin”,
Mezi po pres ta njoh, kam folur pak me të. Jam shumë i lumtur që do të stërvitem nga Allegri, është një nga më të mirët në botë, një fitues. Mezi pres të zbuloj si më sheh ai në fushë në këtë skuadër”, tha Modric.
