Në kulmin e sezonit turistik, kryrtarit të bashkisë Himarë, Vangjel Tavo i ka shkuar në mendje një ide gjeniale se si mund të përzejë turistët nga plazhet e bashkisë që drejton.
Sikur të mos mjaftonin çmimet e larta, mungesa e plazheve publike, plehrat qe kanë pushtuar çdo rrugë e qendër të banuar, Tavo ka nisur aplikimin e gjobave për turistët. Madje e ka nisur në fundjavë kur edhe dyndja e tyre drejt jugut është më e madhe se në ditët e zakonshme të javës.
Lajmin e ka bërë me dije vetë Tavo përmes një postimi në rrjetet sociale, teksa justifikohet me faktin se kishin bllokuar rrugët, ndërkohë që mund të nxirrte policët vetëm për të zhbllokuar trafikun dhe jo të shkonte tek gjobat masive ndaj automjeteve të parkuara. Së dyti, a mund të thotë Vangjel Tavo se sa vende parkimi ofrojnë zonat urbane të Bashkisë që ai drejton?
“Parkimet në vendet e palejuara kanë sjellë sot bllokime të gjata të rrugëve, duke vështirësuar shumë qarkullimin brenda zonës urbane. Policia Bashkiake e Himarës është detyruar të marrë masa të shumta ndaj atyre që janë bërë shkak për bllokimin e rrugëve.
Na besoni, nuk është ky qëllimi ynë. Por është mënyra e vetme për të vënë rregull.” – shkruan Tavo.
Këtë vit, numri i turistëve, sidomos në plazhe ka rënë ndjeshëm dhe është larg pritshmërive, ku duket se shkaktarët kryesorë janë rritja e çmimeve dhe mungesa e infrastrukturës apo shërbimet që ofrohen.
Edi Rama e ka shfaqur si një “sukseset” më të mëdhaja të Qeverisë turizmin, por duket se kryebashkiakët e paaftë dhe dashakeqë po ja dëmtojnë edhe më keq.
