Një vajzë e mitur është raportuar si e zhdukur në fshatin Çezmë, Pogradec.
U raportua se ishte babai i saj, që ka bërë kallëzim pranë Komisariatit të Policisë Pogradec, ku ka deklaruar se vajza e tij është larguar nga banesa një ditë më parë, më 1 gusht.
“Më datën 02.08.2025, në komisariatin e policisë Pogradec ka bërë kallëzim shtetasi B. B., 41 vjeç, banues në fshatin Çezmë se më datën 01.08.2025, është larguar nga banesa vajza e tij e mitur. Po punohet për gjetjen e saj.”, njoftoi policia.
Ndërsa po ashtu policia bën thirrje për çdo person që mund të ketë informacion të ndihmojë në hetim duke kontaktuar strukturat përkatëse. Hetimet janë në vijim.
