Një aksident rrugor ka ndodhur rreth orës 04:00, të mëngjesit të sotëm në aksin Lezhë–Fushë Milot.
Sipas policisë, tre automjete janë përplasur me njëra-tjetrën, duke shkaktuar plagosjen e njërit prej drejtuesve të mjeteve.
I lënduari, shtetasi R. N., është transportuar me urgjencë drejt Spitalit të Traumës në Tiranë për trajtim më të specializuar. Mësohet se ai ndodhet jashtë rrezikut për jetën.
“Rreth orës 04:00, në aksin rrugor Lezhë-Fushë Milot, te kryqëzimi i treshit, janë përplasur tre automjete. Si pasojë e përplasjes është plagosur njëri prej drejtuesve të automjeteve, konkretisht shtetasi R. N., i cili është transportuar në spitalin e Traumës në Tiranë për ndihmë mjekësore më të specializuar.
Grupi hetimor ndodhet në vendngjarje dhe po punon për sqarimin e plotë të rrethanave dhe përcaktimin e të aksidentit“, njoftoi policia,.
