Një ngjarje e rëndë ka ndodhur ditën e sotme në fshatin Pocest, njësia administrative Maqellarë, ku një 26-vjeçar ka plagosur me thikë nënën e tij gjatë një konflikti për motive të dobëta.
Sipas informacioneve zyrtare nga Policia e Dibrës, pas marrjes së njoftimit për një konflikt familjar, shërbimet policore janë nisur menjëherë drejt vendngjarjes. Nga veprimet e para hetimore ka rezultuar se 26 vjeçari Itles Sula ka goditur me mjet prerës (thikë) nënën e tij, N. Sula, 50 vjeçe, drejtoreshë e shkollës 9-vjeçare në Pocest.
E plagosura ka marrë 7 goditje është transportuar menjëherë drejt spitalit të Traumës në Tiranë, ku ndodhet nën kujdesin e mjekëve.
Itles Sula është arrestuar në flagrancë nga Policia, ndërsa arma e krimit, një thikë, është sekuestruar në cilësinë e provës materiale.
Sipas informacioneve paraprake, 25-vjeçari përballej me stres të lartë dhe mbyllje të thellë në vetvete, ç’ka mund të kenë ndikuar në shpërthimin e agresivitetit ndaj nënës. Familjarët dhe fqinjët kanë mbetur të tronditur, ndërsa policia po heton për të zbuluar motivet dhe dinamikën e plotë të ngjarjes.
