Një 22-vjeçar nga Tirana është proceduar penalisht nga Policia e Himarës, pasi parkoi në mënyrë të gabuar automjetin e tij, duke bllokuar rrugën dhe penguar kalimin e një mjeti zjarrfikës në situatë emergjente.
Ngjarja ndodhi në rrugën “25 Marsi”, ku u konstatua se një automjet tip “BMW”, i drejtuar nga shtetasi A. Sh., ishte parkuar në mënyrë të tillë që pengonte qarkullimin normal të mjeteve, përfshirë një zjarrfikëse që po tentonte të kalonte për të ndërhyrë në një situatë emergjente.
22-vjeçari u shoqërua në komisariat, ku u procedua penalisht për veprën penale “Pengimi i qarkullimit të mjeteve të transportit”.
Përveç ndjekjes penale, ndaj tij u vendos edhe një masë administrative prej 20 000 lekësh për shkelje të Kodit Rrugor.
