Tirana do e zhvillojë fazën përgatitore në Greqi. Në prag është fillimi i kampionatit dhe bardheblutë kanë lënë kompleksin “Skënder Halili” dje.
“Skuadra u nis për në Greqi për fazën përgatitore, ku krahas klimës optimale, do zhvillohen edhe disa ndeshje miqësore”, shkruan Tirana në rrjetet sociale.
Ekipi i Vangjel Miles do të qëndrojë në Greqi deri më 9 gusht. Aldi Gjumsi, Qëndrim Ismajli, Abel Abah dhe Edison Kola nuk ishin pjesë e udhëtimit.
Kola i është bashkuar ekipit në Greqi, pasi atje ndodhej me familjen.
Kujtojmë që deri më tani Tirana ka zhvilluar dy miqësore ndërsa nuk ka arritur të fitojë asnjë. E para ishte kundër Lirisë së Prizrenit e humbur me rezultatin 3-2 ndërsa pak ditë më vonë barazoi 1-1 ndaj Ilirisë.
View this post on Instagram
