Një ngjarje e rëndë është shënuar mëngjesin e së hënës në qytetin e Pogradecit, ku një grua 52-vjeçare humbi jetën si pasojë e asfiksisë nga zjarri që përfshiu banesën e saj.
Viktima është identifikuar si Kozeta Teço, e cila jetonte e vetme dhe në kushte të vështira ekonomike. Mësohet se ajo nuk kishte qenë e martuar dhe nuk kishte fëmijë. Sipas burimeve, ajo ndihmohej financiarisht nga motra e saj për shkak të situatës së rënduar ekonomike.
Zjarri shpërtheu në orët e para të mëngjesit, duke përfshirë banesën e saj dhe duke i marrë jetën tragjikisht 52-vjeçares, e cila nuk mundi të dilte në kohë.
Autoritetet kanë nisur hetimet për të zbardhur shkaqet e zjarrit.
Lexo edhe:
Tragjedi në Pogradec/ Banesa shkrumbohet nga zjarri, humb jetën 52-vjeçarja (EMRI)
