Tre fshatra në bashkinë Delvinë janë urdhëruar të evakuohen për shkak të përhapjes së zjarreve që po rrezikojnë jetën dhe banesat e qytetarëve.
Urdhri i evakuimit përfshin fshatrat Palavli, Vergo dhe Kopaçëz, ku flakët janë përhapur me shpejtësi për shkak të erës dhe temperaturave ekstreme.
Prej javësh, Shqipëria po përballet me një situatë të përsëritur zjarresh, të nxitura nga temperaturat e larta, thatësira dhe mungesa e mjeteve zjarrfikëse në shumë bashki të vendit.
Zjarrfikëset vendore shpesh janë të pajisura dobët ose joefektive për përballimin e situatave të përmasave të tilla, çka ka detyruar ndërhyrjen ajrore në disa raste.
