Në një nga zonat më piktoreske të Shqipërisë, pranë liqenit të Komanit, hyrja drejt pyllit dhe bregut të liqenit është bllokuar.
Dikush, mesa duket i vetëshapllur pronar, po kërkon 2 euro për person dhe 5 euro për makinë për të kaluar. Në mes të pyllit, pranë rrugës që të çon drejt bregut është vendosur edhe një tabelë me çmimet përkatëse dhe një numër kontakti.
Sipas qytetarëve, ky person ka vendosur tarifa për të gjithë ata që duan të zbresin drejt bregut të liqenit apo të qëndrojnë në pyllin përreth.
Qytetarët kërkojnë marrjen e masave nëse zona rezulton se po shfrytëzohet në mënyrë të paligjshme.
“Pershendetje! Ne Koman e kane bllokuuad hyrjen dhe e kane bere me pagese. Nderkoh qe ne vende tjera shembin ndertime gjoja pa leje ktu zaptojn komplet ujin e pyllin e nuk i ben pershtypje kujt. Per tu fut brenda 2 euro per person makina 5 euro. Rruga per tu ul tek uji per te bere plazh. Nje Qytetar Ka lene dhe nr e telefonit aty”- denoncon një qytetare për JOQ.
