Fundjava që lamë pas ishte e veçantë për mbrojtësin e Interit dhe të kombëtares franceze, Benjamin Pavard, dhe partneren e tij me origjinë shqiptare, ish-missin Kleofina Pnishi, të cilët u kurorëzuan në martesë në një ceremoni madhështore në bregun amalfitan të Italisë.
Dasma nisi me një martesë civile në Ravello, vijoi me një ceremoni fetare në abacinë benediktine të Trinisë së Shenjtë në Cava de’ Tirreni, dhe përfundoi me një brunch elegant në Giardini del Fuenti, një vend simbol i stilit dhe romantizmit italian.
Ngjarja ishte e mbushur me emocione, elegancë dhe elementë kulturorë shqiptarë. Gjatë një prej momenteve më të ndjera të mbrëmjes, çifti kërceu nën tingujt e këngës ikonike “Baresha” të Nexhmije Pagarushës, duke bërë edhe simbolin e shqiponjës, si një nderim për rrënjët shqiptare të nuses nga Gjakova.
Ceremonia u konsiderua një nga dasmat më glamuroze të vitit, me pjesëmarrjen e shumë figurave publike, miqve të afërt, familjarëve dhe shokëve të Pavard.
View this post on Instagram
