Juventusi ka përforcuar repartin difensiv ditën e sotme me transferimin e tretë në këtë merkato verore. Pas firmës me Jonathan David, Francisco Conceicaos, Joao Mario është blerja e radhës e bardhezinjve.
Lajmin e ka bërë të ditur vetë “Zonja e Vjetër” nëpërmjet një postimi në faqen zyrtare të klubit. Joao Mario ka mbyllur aventurën me Porton në kampionatin portugez dhe tashmë do të luajë me bardhezinjtë në Serie A.
Anësori 25-vjeçar ka firmosur një kontratë me Juventusin deri në qershor të vitit 2030. Joao Mario është shkëmbyer me Alberto Costën i cili kalon tek Porto, me bardhezinjtë që përfitojnë edhe 4 milionë euro.
