Një vatër zjarri në anën maqedonase të kufirit ka detyruar pezullimin e përkohshëm të kalimit të kamionëve në pikën doganore të Goricës, në zonën e Pustecit.
Flakët kanë përfshirë të dy anët e rrugës pranë kufirit, duke krijuar rrezik për qarkullimin e mjeteve të tonazhit të rëndë.
Si pasojë, autoritetet shqiptare dhe maqedonase kanë vendosur, në koordinim të ngushtë, të bllokojnë përkohësisht lëvizjen e kamionëve, deri në një moment të dytë.
Sipas njoftimit zyrtar, masa kufizuese nuk vlen për automjetet e tjera, të cilat vijojnë të kalojnë në këtë pikë kufitare.
