Raffaele Huli ka nënshkruar kontratën e parë të karrierës së tij profesionale me Juventusin, që skadon më 30 qershor 2028.
Portieri i ri, i lindur në korrik 2008, ka veshur ngjyrat bardhezi që nga viti 2017 dhe ishte një nga protagonistët e sezonit të shkëlqyer të ekipit U-17, i cili përfundoi me gjysmëfinalen e ligës.
Huli luajti gjithashtu në Kampionatin Evropian U-17 këtë verë, duke mbrojtur portën për Shqipërinë.
Huli deri në 2023 ka qenë pjesë e moshave të Italisë, por ftesa nga Shqipëria bëri që ai të pranonte të përfaqësonte ngjyrat e vendit të origjinës, paçka se ka lindur në Asti të Italisë më 30 korrik 2008.
Me këtë firmë duket se Juventusi beson te gardiani shqiptar dhe gjithçka do shihet në sezonet në vijim.
