Pas eleminimit nga Europa, Partizani ka shtuar zhgënjimi për tifozët me një zyrtarizim të fundit. Të kuqtë kanë njoftuar mbylljen e bashkëpunimit me Skënder Gegën, që nuk do të jetë më trajneri i kësaj skuadre.
Sipas njoftimit, Gega ka paraqitur dorëheqjen dhe ka vendosur që të ndajë rrugët me kryeqytetasit, ndërsa ky vendim i tij është pranuar nga presidenti i klubit, Gaz Demi.
Në vendime të tilla, zakonisht tifozët i kthehen trajnerit me komente negative për vendimin e marrë. Por në këtë rast ndryshon gjithçka pasi në faqen zyrtare të Partizanit dhe njoftimin e klubit, tifozët e Partizanit kanë duartrokitur vendimin e Gegës duke shtuar ndjeshëm dozën e pesimizmit për të ardhmen e klubit. .
“Partizani është ngarkuar me drejtora e superdrejtora që kullosin me pazaret e Demit. shkruhet në një nga komentet, ndërsa të tjerë thonë se “amatorizimi i ka kapluar të gjitha skuadrat shqiptare”.
