Gazetari Sokol Bregu ka ngritur alarmin për rritjen e ndjeshme të kriminalitetit në Sarandë, ku janë regjistruar disa ngjarje kriminale.
Bregu theksoi se ky fenomen nuk është rastësor, por pjesë e një prirjeje të rrezikshme që po përshkallëzohet çdo vit.
Sipas tij, Saranda është tashmë qyteti i dytë me më shumë krime në raport me popullsinë, dhe me gjasë do të marrë vendin e parë në raportin e ardhshëm të Prokurorit të Përgjithshëm.
“Nuk është një rastësi, edhe ato që po ndodhin gjatë këtij sezoni veror. Ju bëj me dije se Saranda doli si qyteti i dytë me më shumë krime në raport me popullsinë gjatë vitit të shkuar. Dhe kjo ka ardhur gjithmonë duke u rritur dhe mendoj që këtë vit kur të shohim raportin e prokurorit të Përgjithshëm, vitin tjetër besoj që do të jetë absolutisht në vend të parë. Sepse kështu vijnë në ngritje.
Mendoj që qytetet e tjera që kanë patur problematika më herët me pronat në bregdet, sot duke qenë se janë sheshuar dhe nuk ka më asnjë vend ku të zësh, ku të marrësh për të ndërtuar një hotel, janë sheshuar të gjitha këto konflikte.
E kush ka mbetur në fund fare? Mesa duhet, ajo që ndodh janë plazhet e Lezhës, por duket se atje ka dakordësi mes banorëve dhe nuk ka patur problematika në ngritjen e hoteleve por dhe në vendosjen e ndonjë beach-bar. Ndryshe ndodh në Sarandë ku ka një luftë të egër për tokën në bregdet. Por, edhe për publikun e rikujtoj…ngjarja më e rëndë e ndodhur vitet e fundit daton në Sarandë. Vitin e shkuar ku dy persona u zhdukën dhe sesi mund të zhduken dy persona pa lënë gjurmë në mes të qytetit dhe ende nuk ka asnjë shenjë, kuptohet që jetë nuk ka më.
Nuk mendoj se jetojnë, por të paktën të gjenden kufomat e tyre për t’iu përcjellë familjeve për ti bërë ritet e fundit.
Pra, kriminalizimi në Sarandë ka vajtur në pikën maksimale. Nëse dikur kemi patur vetëm problematika për ndërtime pa leje, apo ndonjë konflikt të vogël, sot kemi një trafik të organizuar droge, sot kemi një krim të organizuar, sot kemi zhdukje, vrasje, përplasje midis grupeve kriminale.
Ajo që kam lexuar në SKY dhe ENCHRO-CHAT, që i përkiste pikërisht pikës Kufitare të Qafë Botës, ishte një superskemë në mënyrën e vetë si kalonte droga drejt Greqisë“, tha Bregu në Syri TV.
Lexo edhe:
Saranda “në luftë”/ Tritol, armë, plagosje e sherre, qyteti i Prodës bëhet i pajetueshëm!
