Policia e Beratit ka arrestuar dy vietnameze dhe një shqiptar, pas një hetimi disa ditor të Prokurorisë, ku ka zbuluar një “fole” prostitucioni.
Në kuadër të operacionit të koduar “Kontakti” është vënë në pranga shtetasi Xh. S., 31 vjeç, banues në Berat, i dënuar më parë, për veprat penale “Vrasja”, mbetur në tentativë, “Dhuna në familje” dhe “Vjedhja”. Po ashtu, janë arrestuar edhe shtetaset vietnameze Th. D., 39 vjeçe dhe Th.(Th.) D., 39 vjeçe.
Policia thotë se nga hetimet ja rezultuar se 31-vjeçari iu kishte dhënë me qira, dy shtetaseve, apartamentin e tij në lagjen “30 Vjetori”, në të cilin ato ushtronin prostitucion. Më tej thuhet se vijojnë hetime për të identifikuar dhe nxjerrë përpara përgjegjësisë penale, shtetas të tjerë që mund të jenë implikuar në këtë rast.
Uniformat blu kanë sekuestruar pasaportat e dy shtetaseve, 4 celularë dhe para të përfituara nga kjo veprimtari e kundërligjshme.
Materialet procedurale i janë referuar Prokurorisë së Beratit, për veprime të mëtejshme.
