Tirana ka një shqetësim më vete, veç të dëmtuarve aktualë. Me skuadrën nuk është bashkuar ende afrikani i krahut të majtë, Abel Abah.
Lojtari është larguar që në fund të majit në shtëpi dhe ende nuk është kthyer.
Drejtuesit nuk e kanë larguar, por problemi aktual është bllokimi i tij në Afrikë. Çështja e vizës e mban larg lojtarin, i cili do të bashkohet me grupin gjatë fazës përgatitore në Greqi.
Për lojtarët e huaj nuk është hera e parë që ndodh një gjë e tillë. Afrikanët kanë pasur gjithmonë probleme me vizat, ndërsa çështja e Abah do të zgjidhet në ditët në vazhdim.
Te Tirana ka pasur disa mungesa gjatë këtyre ditëve. Qëndrim Ismajli ishte një tjetër futbollist që nuk u pa në miqësoren me Lirinë. Lojtari vazhdon të jetë pikëpyetje te Tirana.
Ai ka një dëmtim në shpinë që vazhdon ta mundojë. Dy lojtarë të tjerë që nuk luajtën fare në sfidën e së shtunës ishin Meta dhe Ernesti, dy nga titullarët e sezonit të shkuar.
