Tre lojtarë të Tiranës nuk luajtën fare në sfidën miqësore të humbur 3-2 ndaj Lirisë së Prizrenit ditën e shtunë.
Bëhet fjalë për Metën, Ernestin dhe Qëndrim Ismajlin.
Meta dhe Ernest, titullarë në sezonin e shkuar kanë pasur shqetësime gjatë stërvitjes dhe stafi është munduar që t’i ruajë për të mos agravuar edhe më shumë dëmtimet.
Meta ka pasur probleme me “rrëzët e kofshëve” dhe nuk është preferuar të luajë. Nga ana tjetër, Ernest ka pësuar një goditje në gju dhe është lënë pushim për të mos e rënduar edhe më shumë situatën.
Qëndrim Ismajli ishte një tjetër futbollist që nuk u pa në miqësore. Lojtari vazhdon të jetë pikëpyetje te Tirana.
Ai ka një dëmtim në shpinë që vazhdon ta mundojë. Jo vetëm kaq, por mjekët disa herë kanë bërë ndërhyrje të ndryshme dhe nuk ia kanë dalë.
Lojtari humbi gjithë pjesën e dytë të sezonit të shkuar nga ky dëmtim misterioz.
