Klubi i Al Qadsiah në kampionatin e Arabisë Saudite ka zyrtarizuar mbrëmjen e sotme Mateo Retegui si përforcimin e kësaj skuadre nga ky sezon.
Sulmuesi i Atalantës, i ka dhënë lamtumirën pas vetëm një viti bergamaskëve, i tunduar nga një ofertë e parefuzueshme ekonomike që i është bërë nga sheikët.
26-vjeçari ka firmosur një kontratë katëvjeçare, nga e cila do të përfitojë rreth 20 milionë euro në vit, që është 8-fishi i shifrës që përfitonte nga bergamaskët.
Një vendim i rëndësishëm për Reteguin, i cili u shpall golashënuesi më i mirë i Serisë A në edicionin e kaluar dhe është njëkohësisht titullari i sulmit të përfaqësueses italiane.
Edhe Atalanta ka dalë e kënaqur nga kjo marrëveshje, pasi futbollistin që bleu një vit më parë nga Genoa për 28 milionë euro, e shtoi sot për 68,5 milionë euro, nga të cilat vetëm 3,7 milionë kalojnë në klubet paraardhës që kanë ndihmuar në formimin e sulmuesit.
