Viktor Gyökeres vazhdon të jetë kryefjalë e merkatos verore. Edhe pse ditët e fundit është përfolur që Arsenal është shumë pranë transferimit të sulmuesit suedez, mediumi portugez “A Bola” ditën e sotme raporton një zhvillim tjetër të bujshëm.
Sipas këtij raportimi, Manchester United mësohet se ka paraqitur një ofertë më të lartë në drejtim të Spoting Lisbon për Gyökeres, duke tejkaluar kështu ofertën e londinezëve.
Edhe pse sulmuesi ka rënë dakord për kushtet personale me Arsenalin, kjo ofertë e re e Manchester United mund të ndryshojë komplet situatën. Sporting Lisbon me qëndrimin e saj ka treguar prej kohësh, që do e shesë Viktor Gyökeres, tek ekipi që do të ofrojë më shumë, pavarësisht qëndrimit të lojtarit, i cili dëshiron vetëm Arsenalin.
Gjithsesi, duket se kjo “telenovelë” do vazhdojë ende, por momentalisht Manchester United i prin garës me ofertën më të lartë për transferimin e 27-vjeçarit.
