Është mbyllur në barazim 2-2 pjesa e parë mes Daugavpils dhe Vllaznisë, ndeshje e vlefshme për turin e parë të kualifikueseve të Ligës së Konferencës.
Goli i parë u shënua nga shkodranët në minutën e 22-të me anë të Mensah. Pas një harkimi të Gurishtës nga e djathta, Mensah ia del të kthejë topin në rrjetën e vendasve duke mposhtur portierin.
Ndërkohë skuadra nga Letonia reagoi duke përmbysur shifrat me dy gola brenda 3 minutash.
Në minutën e 33-të, pas zhvillimi të një goditje dënimi, harkimi i Mihalcovs gjen të vetëm Ëilliams në të djathtën dhe gjuajtja e këtij të fundit me kokë mposht Qarrin.
Pak minuta më pas, vendasit harkojnë nga e majta dhe topi gjen Diallon i cili po me kokë mposht Qarrin.
Teksa pritje përfundimi i pjesës së parë me këtë rezultat, shkodranët nuk u dorëzuan duke barazuar shifrat në 2-2 me anë të mbrojtësit, Andrey Yago.
Jago merr topin para zonës dhe lëshon një gjuajtje të fortë që befason portierin vendas.
