Një 34-vjeçar çek është arrestuar nga Policia e Durrësit, pasi akuzohet se ka vjedhur automjetin e një 54-vjeçari nga Durrësi.
Policia ka publikuar gjithashtu pamjet nga momenti i vjedhjes, ngjarje e ndodhur më 13 korrik në Portin e Durrësit.
“Specialistët për Hetimin e Krimeve të Komisariatit të Policisë Durrës, në bashkëpunim me Komisariatin Nr. 2 Tiranë, në vijim të hetimeve të kryera në drejtimin e Prokurorisë, për identifikimin e autorit të vjedhjes së një automjeti, në Portin e Durrës, kanë organizuar dhe finalizuar operacionin policor të koduar “Perimetri”.
Si rezultat i këtij operacioni, u identifikua, u kap dhe u vu në pranga shtetasi J. K., 34 vjeç, banues në Çeki, i cili dyshohet se më datë 13.07.2025, në Portin e Durrësit, ka vjedhur automjetin në pronësi të shtetasit A. Ç., 59 vjeç, banues në Durrës”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhja
